أنا بقي يا جماعه مش بحب طعم اللحمة لوحدها كده فبعمل ايه بقي
نص كيلو اللحمة المفرومة عليها كباية برغل
بس البرغل نسيبة منقوع ساعة كده بعدين نصفية كويس اوي ونحطة عاللحمة
2 بصلة مفرومة ومصلفين منها المايه برده عايزين الموضوع ناشف مفهوش مايه علشان متفكش مننا
نفرم شويه شبت وبقدونش وكسبره خضرا ونحطهم برده بيعملوا طعم رائع
ملح وفلفل طبعا واي بهارات تحبوها والشطه برده لو ليكوا فالحامي
وبالكبه تضربي كل ده علي بعضة او باديكي لو مفيش كبة تفضلي تعجنيها كانها عجينه علشان تعمل نتيجة حلوة معاكي وتلم كده وتحسيها عجينه فعلا
تصبعيها علي صنية عليها شويه زيت و تقطعي كام ورقه نعناع فالصنية علي كام فص توم والتكه دي بتعمل طعم وريحه تحفة
تسخني الفرن وتحطيها علي درجه فوق المتوسطة تلت ساعه وتطلعيها تقلبي الكفته الناحيه التانيه وتلت ساعه كمان ولو حسيتي محتاجة زيت تاني حطي
والف هنااااااااااااااااااااا
لا يوجد حالياً أي تعليق